نقابة الخط العربي : ثورة يناير حدث تاريخي

بسم الله الرحمن الرحيم
استاذي العزيز ..
اخواني اعضاء المنتدى الأجلاء
السلام عليكم جميعا ورحمة الله وبركاته .....
اسمحوا لي بان اقدم نفسي اسمي عادل خميس وكانت شهرتي عادل 2000 وكنت باشتغل في منطقة عين شمس واعتقد والحمد لله اني معروف لاني في مهنة الخط منذ زمن بعيييد جدا ...
طبعاً فرحت جدا جدا بموضوع النقابة ولكن معلش لي عتاب ولو اني عضو في الجمعية المصرية للخط العربي واكن كل الود والاحترام لاستاذنا خضير لكن لي سؤال لماذا خضير البورسعيدي يكون هو النقيب ولو انكم كاتبين رئيس النقابة .... ومتى تمت الجمعية العمومية او لم تتم بعد وهل ستعقد ويجرى من خلالها انتخاب ام ما هو الموضوع ؟؟؟؟ يمكن ما ألمنى انني اصيبت بجلطة في القلب 1997 وكنت عضو بالجمعية كما ذكرت وعضو في نقابة عمال الطباعة والصحافة والنشر ولم اجد من يقف بجواري وبعد بيعي لمحل تمليك وعربية خاصة تمكنت من عبور ازمتى فكرت جدياً في من سيأتي عليه الدور من بعدي من اخواننا الخطاطين ويأسفني ان اقول لكم اننا نكون ملء السمع والبصر مدامات امضائتنا تزين لوحاتنا لكن لو مرضنا فلا نجد معين واكبر مثال على ذلك استاذنا رحمة الله عليه (مفتاح) واللي لا يخفى اسمه على احد من اولاد المهنة العواجيز اللي زي واكبر كمان لم يجد من يرعاه في دار رعاية المسنين في مصر الجديدة الا صبيه المخلص (عطية) الذي كان يزوره من آن لآخر والعبد لله ولو اني كنت مقصر كتير مع واحد من الاسطوات اللي علموني .... معلش انا طولت بس اسمعوني لاني قلبي واجعني ) ولمل شفت الحال كده جريت على جريدة كانت في شارع البطل احمد عبد العزيز اسمها بروموشن وكانت بتهتم بالاعلان والتسويق واخدت معاية اتنين من الخطاطين وهم مازالوا احياء وربنا يبارك فيهم وهم محمد الفولي من عين شمس ونجاح محمد من الاميرية وكان معانا حوالي 75 توقيع من مجموعه من الخطاطين ونادينا بنقابة تحفظ لنا حقوقنا ووصلت لغاية مكتب زكريا عزمي في سراي القبة وقدمت له طلب علشان يساعدنا وجريت كتير ورا الحلم ده وكان نفسي يتحقق من بدري ولكن اقسم بالله ان الواسطة بتاعة زكريا عزمي قال لي بالحرف ( ان استاذ خضير هو اللي موقف النقابة علشان ما يحرقش الجمعية ) فانا باقول للاستاذ خضير ان يتئى بنفسه عن القيل والفال ويجري انتخابات حرة لهذه النقابة الوليدة وان تشمل الخطاطين وعمال التركيبات اللي عندنا في الورش وسمكرية المعادن وصنايعية لف البلاستيك لانهم من اساسيات عملنا .... وللعلم انا تركت مصر وعايش خارجها لا حد يفتكر ان لي مطمع بس عاوز اصحاب اشرف مهنة (اللي لو مفيش عندهم خلق رفيع ما بشتغلوهاش وصدقوني الخطاط اخلاق وادب قبل الخط) انهم يكونوا نموذج لكل عمل نقابي محترم في مصرنا المحترمة ... واسف للاطالة بس ياريت اعرف اخر الاخبار عن طريق منتداكم الرائع ده
تقبلوا تحياتي وودي واحترامي واعتزازي باستاذي خضير اللي انا عارف انه هايعرف قد ايه انا حريص على اسمه وسمعته
وتحياتي لاخي الصغير الحبيب محمد خضير واساتذتي
وكل اساتذة الاكاديمية العربية وتقبلوا تحياتي
اخوكم
عادل خميس